ព្រឹត្តិការណ៍បច្ចុប្បន្ន
ពលរដ្ឋខេត្តព្រៃវែងត្អូញត្អែរគ្មានទីផ្សារលក់ស្រូវ
ព័ត៌មានថ្មីៗ 5:03:27, 7 February 2012
ប្រជាពលរដ្ឋប្រកបរបរកសិកម្ម នៅខេត្តព្រៃវែង បានត្អូញត្អែរថា សព្វថ្ងៃនេះ ពួកគាត់គ្មានទីផ្សារសម្រាប់លក់ទិន្នផលស្រូវប្រាំង ដែលប្រមូលបាននាឆ្នាំ២០១២ ឲ្យបានសមរម្យទេ។ ប្រជាកសិករ បានស្នើទៅមន្ត្រីពីស្ថាប័នពាក់ព័ន្ធជួយបង្កើតទីផ្សារលក់ស្រូវជូនពួកគាត់ ឲ្យមានតម្លៃខ្ពស់ជាងសព្វថ្ងៃនេះ។
យុវជនបារម្ភពីបញ្ហាគុណភាពអប់រំនៅខេត្តបាត់ដំបង
ព័ត៌មានថ្មីៗ 3:10:34, 7 February 2012
យុវជនមួយចំនួននៅខេត្តបាត់ដំបង បានសម្តែងក្តីព្រួយបារម្ភពីគុណភាពអប់រំនៅតាម
សាលាមួយចំនួន ដែលនៅមានកម្រិតនៅឡើយ ។ គ្រូនៅសាលាខ្លះមិនបានបង្រៀនឲ្យចប់កម្មវិធី មុនពេលប្រឡង និង មានការប្រជែងដណ្តើមសិស្សដើម្បីរៀនកួរ ក្រៅម៉ោងជាដើម។
វេទិកាមហាជនលើកទីមួយស្តីពីលក្ខខណ្ឌការងារកម្មកររោងចក្រកាត់ដេរ
ព័ត៌មានថ្មីៗ 3:26:13, 6 February 2012
សហជីពកម្មករថ្នាក់ជាតិ ដែលរួមមានសហព័ន្ធ សហជីពកម្មករសំខាន់ៗ នៅក្នុងប្រទេសកម្ពុជា ព្រមជាមួយសម្ព័ន្ធប្រាក់ឈ្នួលទាបបំផុតនៅអាស៊ីបានរៀបចំនូវវេទិកាមហាជនមួយដែលមិនធ្លាប់មានរយៈពេលពីរថ្ងៃចាប់ពីថ្ងៃទី ៥ដល់ ថ្ងៃទី ៦ ខែកុម្ភៈ ឆ្នាំ ២០១២ នៅឯទីក្រុងភ្នំពេញ។ លោកបណ្ឌិត វង្ស សុវណ្ណ ប្រធានសហភាពសហជីពកម្មករ បានឲ្យដឹងថា ការរៀបចំវេទិកានេះឡើងមានគោលបំណងដើម្បីបង្កើនការយល់គ្នាទៅវិញទៅមករវាងកម្មករ និយោជក និងក្រុមអ្នកបញ្ជាទិញសំលៀកបំពាក់ និងស្បែកជើងនៅប្រទេសកម្ពុជា និងដើម្បីធ្វើការស្ទាបស្ទង់ពីប្រាក់ឈ្នួលទាបបំផុតដែលកម្មករអាចរស់នៅបានសមរម្យ។
រដ្ឋាភិបាលតម្រូវឲ្យសហគមន៍ចូលរួមថែទាំ និងជួសជុលប្រព័ន្ធធារាសាស្រ្ត
ព័ត៌មានថ្មីៗ 3:14:26, 6 February 2012
នៅរដូវប្រាំងដូចនេះ សហគមន៍កសិកម្មបាននាំគ្នាពិនិត្យ និងលើកផែនការដល់រដ្ឋាភិបាលដើម្បីជួយជួសជុលប្រព័ន្ធធារាសាស្រ្តនៅក្នុងភូមិសាស្រ្តសម្រាប់គ្រប់គ្រងទឹកដើម្បីធានាដល់កសិកម្មនៅរដូវវស្សាខាងមុខនេះ។ប៉ុន្តែរដ្ឋាភិបាលផ្តល់តួនាទីដល់សហគមន៍ក្នុងការជួយរកថវិកាជួសជុលធារាសាស្រ្តធុនតូចដោយខ្លួនឯង។
ស្នងការនគរបាលខេត្តសៀមរាប ជំរុញឲ្យមន្ត្រីនគរបាលពាក់មួកសុវត្ថិភាពពេលបើកបរម៉ូតូ
ព័ត៌មានថ្មីៗ 3:05:44, 6 February 2012
មន្ត្រីនគរបាលទាំងអស់នៅក្នុងទូទាំងខេត្តសៀមរាប ត្រូវបានថ្នាក់ដឹកនាំរបស់ខ្លួន ដាស់តឿនក្រើនរំលឹកឲ្យពាក់មួកសុវត្ថិភាពបានគ្រប់ៗគ្នា ក្នុងខណៈពេលកំពុងបើកបរម៉ូតូ តាមដងផ្លូវសាធារណៈ ដើម្បីធ្វើជាគំរូដល់ប្រជាពលរដ្ឋ ក្នុងនាមជាអ្នកអនុវត្តច្បាប់ ។
ប្រតិកម្មជុំវិញការកាត់ទោសឲ្យឌុចជាប់គុកអស់មួយជីវិត
ព័ត៌មានថ្មីៗ 5:12:52, 3 February 2012
ជនជាប់ចោទ កាំង ហ្កេកអ៊ាវ អាយុជិត៧០ឆ្នាំហើយនោះ នៅព្រឹកថ្ងៃសុក្រទី៣ខែកុម្ភៈនេះ បានត្រូវតុលាការកំពូលក្នុងសាលាក្ដីខ្មែរក្រហមដាក់ទម្ងន់ទោសបន្ថែមដើម្បីឲ្យជាប់ពន្ធធនាគារអស់មួយជីវិត ពីបទឧក្រិដ្ឋកម្មប្រឆាំងមនុស្សជាតិដ៏ធ្ងន់ធ្ងរក្នុងនាទីជាប្រធានមន្ទីរស-២១ក្នុងសម័យខ្មែរក្រហម។
