នាទីបច្ចេកវិទ្យាសាស្រ្ដ និងចក្រវាលយើង
វចនានុក្រមអេឡិចត្រូនិកជាភាសាខ្មែរកំពុងដំណើរការនៅលើបណ្ដាញអ៊ីនធើរណិត
ព័ត៌មានថ្មីៗ 1:00:14, 22 September 2011
នៅថ្ងៃនេះយើងនឹងពិនិត្យមើលទៅលើការបង្កើតវចនានុក្រមអេឡិចត្រូនិកខ្មែរនៅលើវ៉ិបសាយថ៍ក្នុងបណ្ដាញអ៊ីនធើរណិត។ កន្លងទៅនេះខាងវិទ្យាស្ថានពុទ្ធសាសនបណ្ឌិតខ្មែរបានបង្កើតឲ្យមាននូវវចនានុក្រមភាសាខ្មែរបែបអេឡិចត្រូនិកហើយ សម្រាប់ប្រើប្រាស់នៅក្នុងកុំព្យូទ័រដោយអ្នកប្រើប្រាស់ត្រូវដំឡើងកម្មវិធីវចនានុក្រមអេឡិចត្រូនិកនោះនៅក្នុងកុំព្យូទ័រនីមួយៗដើម្បីអាចប្រើប្រាស់បាន។
បង់រុំរបួសវៃឆ្លាតទំនើបដែលប្ដូរពណ៌តាមសីតុណ្ហភាព
ព័ត៌មានថ្មីៗ 2:10:49, 15 September 2011
នៅក្នុងប្រទេសអូស្រ្ដាលីថ្មីៗមានការស្រាវជ្រាវរកឃើញនូវវិធីសាស្រ្ដក្នុងការបង្កើតបង់រុំរបួសដែលប្រែប្រួលពណ៌ទៅតាមកម្ដៅនៃរបួសដើម្បីជួយទប់ស្កាត់ការឆ្លងរាលដាលនៃរបួសនោះកុំឲ្យរីកធំឡើង។ បង់រុំរបួសនេះ ត្រូវបានគេឲ្យឈ្មោះថា Smart Bandage ដែលប្រែជាភាសាខ្មែរថា បង់រុំរបួសវៃឆ្លាតទំនើប ដែលផ្ដល់ការព្រមានអំពីការក្លាយនៃរបួស ឬដំបៅ តាមរយៈការឲ្យសញ្ញាជាការប្រែពណ៌នៃបង់រុំរបួសនោះ។ ការផ្ដល់សញ្ញាប្រែពណ៌បែបនេះ គឺដើម្បីប្រាប់យើងឲ្យដឹងនូវស្ថានភាពនៃរបួសនៅខាងក្នុងថាតើវាមានសភាពធូរស្រាលជាសះស្បើយ ឬក៏រីកក្លាយកាន់តែធំឡើង។
គុណសម្បត្តិនិងគុណវិបត្តិនៃឧបករណ៍ជំនួយមគ្គទេសក៍ទេសចរនៅកម្ពុជា
ព័ត៌មានថ្មីៗ 4:39:37, 8 September 2011
តើបច្ចេកវិទ្យាជួយឲ្យជីវិតនិងការរស់នៅរបស់មនុស្សលោកមានភាពងាយស្រួល ឬក៏លំបាកយ៉ាងណាខ្លះ? លោកអ្នកនាងកញ្ញា ថ្ងៃនេះ នាទីបច្ចេកវិទ្យាសាស្រ្ត និងចក្រវាលយើង នឹងស្វែងយល់អំពីគុណសម្បត្តិ និងគុណវិបត្តិនៃការប្រើប្រាស់ឧបករណ៍ជំនួយមគ្គទេសក៍ទេសចរ ដែលហៅជាភាសាអង់គ្លេសថា Audio Tour Guides នៅក្នុងវិស័យទេសចរណ៍ ថាតើបច្ចេកវិទ្យាទាំងនេះ មានប្រយោជន៍យ៉ាងណា ឬក៏ធ្វើឲ្យប៉ះពាល់បង្អាក់រំខានបែបណាខ្លះដែរដល់បណ្ដាមគ្គទេសក៍ទេសចរឬ tour guides នៅប្រទេសកម្ពុជានោះ។
ពលរដ្ឋខ្មែរងាកចេញពីការប្រើប្រាស់អុស និងធ្យូងមកប្រើជីវឧស្ម័ន
ព័ត៌មានថ្មីៗ 11:56:31, 1 September 2011
ថ្ងៃនេះយើងនឹងពិនិត្យមើលទៅលើការប្រើប្រាស់ឡជីវឧស្ម័នដែលកកើតឡើងពីធម្មជាតិ តាមរយៈការសម្ភាសន៍លោក ស៊ឹម ធរដ្ឋ ដែលជាអនុប្រធានការិយាល័យផលិតកម្មបសុព្យាបាលនៃមន្ទីរកសិកម្មខេត្ដសៀមរាប និងជាមន្រ្ដីសម្របសម្រួលនៃកម្មវិធីឡជីវឧស្ម័នថ្នាក់ខេត្ដ។ តើអ្វីទៅជាជីវឧស្ម័ន? ហើយតើគេចំរាញ់ និងប្រើប្រាស់ឧស្ម័ននេះ យ៉ាងដូចម្ដេច? តើគេត្រូវផលិតឡជីវឧស្ម័ននេះ ដោយប្រើប្រាស់សម្ភារៈអ្វីខ្លះ?
រដ្ឋាភិបាល និងអង្គការធំៗនៃប្រទេសជាច្រើនក្នុងពិភពលោករងការវាយប្រហារតាមប្រព័ន្ធអ៊ីនធើណិត
ព័ត៌មានថ្មីៗ 2:32:22, 25 August 2011
សម្រាប់ថ្ងៃនេះ Radio Australia មានរបាយការណ៍២មកជូន។ ទីមួយគឺស្ដីអំពីរបាយការណ៍ព័ត៌មានវិទ្យាមួយដែលបានចេញឡើងដោយក្រុមហ៊ុនអ៊ីនធើរណិត McAfee ដែលបានរកឃើញថា អស់ពេលជាច្រើនឆ្នាំមកនេះ ការវាយលុកតាមប្រព័ន្ធអ៊ីនធើរណិតបានកើតឡើងយ៉ាងច្រើនដោយផ្ដោតគោលដៅទៅលើរដ្ឋាភិបាល, អង្គការធំៗជាដើម។ តើហេតុអ្វីបានជាយ៉ាងនេះ? ហើយតើនរណា ឬប្រទេសណាដែលចេញយុទ្ធនាការវាយប្រហារតាមអ៊ីនធើរណិតបែបនេះ? របាយការណ៍ទី២ គឺស្ដីអំពីគម្រោងការងារវ៉ិបសាយថ៍សិទ្ធិ (sithi.org) របស់អង្គការមជ្ឈមណ្ឌលសិទ្ធិមនុស្ស ដែលបានស្រាវជ្រាវ និងប្រមូលចងក្រងរឿងជម្លោះដីធ្លីដែលបានកើតមាននៅទូទាំងប្រទេសកម្ពុជាកន្លងមក តាមរយៈបទសម្ភាសន៍ជាមួយនឹងលោក ហែម សុខលី ដែលជាមន្រ្ដីអង្គការសិទ្ធិមនុស្សនៅកម្ពុជា។
អ្នកបង្កើតកម្មវិធីកុំព្យូទ័របានបង្កើតប្រព័ន្ធ DouDouLinux សម្រាប់កុមារតូចៗសិក្សា និងកម្សាន្ដ
ព័ត៌មានថ្មីៗ 2:30:14, 18 August 2011
សម្រាប់ថ្ងៃនេះ Radio Australia មានរបាយការណ៍២។ ទីមួយគឺស្ដីអំពីការរកឃើញរបស់អ្នកវិទ្យាសាស្រ្ដអូស្រ្ដាលី និងអាឡឺម៉ង់ ដែលបានស្រាវជ្រាវរកឃើញនូវវិធីថ្មីក្នុងការបញ្ឈប់វីរុស និងបាក់តេរីសាហាវៗកុំឲ្យវារីកលូតលាស់បំបែកកូនចៅតពូជនៅក្នុងសរីរាង្គមនុស្ស។ រីឯរបាយការណ៍ទី២នៅថ្ងៃនេះ គឺជុំវិញការធ្វើបទសម្ភាសន៍ជាមួយនឹងលោក សុខ ឃៀង ដែលជាគ្រូបង្រៀនផ្នែកសរសេរកម្មវិធីកុំព្យូទ័រសម្រាប់ប្រព័ន្ធអ៊ីនធើរណិត Internet Programming នៅមជ្ឈមណ្ឌលបច្ចេកវិទ្យាព័ត៌មាន និង អេឡិចត្រូនិច (ITEC) នៅប្រទេសកម្ពុជា អំពីកម្មវិធីប្រព័ន្ធប្រតិបត្ដិថ្មីមួយដែលមានឈ្មោះថា DouDouLinux សម្រាប់កុមារដែលមានអាយុពី២ ឆ្នាំដល់១២ឆ្នាំ។ តើប្រព័ន្ធប្រតិបត្ដិនេះ មានលក្ខណៈពិសេសយ៉ាងណាខ្លះ? ហើយវាមានប្រយោជន៍អ្វីខ្លះដល់កុមារ? សូមតាមដានស្ដាប់ដោយរីករាយ។
