ភាសាដទៃផ្សេងទៀត
កម្មវិធីផ្សាយជាសេវាភាសាឯកទេសជាច្រើនរបស់យើង នាំមកជូននូវមេរៀនភាសាអង់គ្លេស និងព័ត៌មានអំពីប្រទេសអូស្រ្ដាលី ព្រមទាំងព័ត៌មាន រួមនឹងព្រឹត្ដិការណ៍បច្ចុប្បន្នដែលមានលក្ខណៈអព្យាក្រឹត្យ មិនលំអៀងជូនដល់អ្នកស្ដាប់នៅក្នុងតំបន់។
ភាសាចិនកុកងឺ
កម្មវិធីផ្សាយជាភាសាចិនកុកងឺរបស់វិទ្យុអូស្រ្ដាលី ផ្ដល់ជូនដល់មិត្ដអ្នកស្ដាប់នូវមេរៀនអង់គ្លេសដែលមានការបកប្រែជាភាសាចិន, ព័ត៌មានពីក្រៅ និងក្នុងប្រទេស និងអំពីប្រទេសអូស្រ្ដាលី ព្រមទាំងមានជូននូវព័ត៌មាន និងព្រឹត្ដិការណ៍បច្ចុប្បន្នដែលមានលក្ខណៈឯករាជ្យ និងទាន់សភាពការណ៍នៅក្នុងតំបន់អាស៊ី និងប៉ាស៊ីហ្វ៊ិក។
- វ៉ិបសាយថ៍៖ កម្មវិធីផ្សាយជាភាសាចិនកុកងឺ
ភាសាអង់គ្លេស
សេវាភាសាអង់គ្លេសរបស់វិទ្យុអូស្ត្រាលី ផ្តល់នូវព័ត៌មាននិងព្រឹត្តិការណ៍បច្ចុប្បន្ននៅក្នុង តំបន់អាស៊ី ប៉ាស៊ីហ្វិកដោយឆ្លុះបញ្ចាំងនូវគោលជំហរអូស្ត្រាលី។ សេវានេះក៏មានជូនកម្មវិធីផ្សេងៗច្រើនសម្រាប់ផ្សាយ តាមវិទ្យុ និងតាមអ៊ីនធើរណិត ដោយមានទាំងតន្រ្តី បទសម្ភាសន៍ រហូតដល់ការសិក្សាអប់រំ វិទ្យាសាស្រ្ត សុខភាពនិងបញ្ហាសង្គម។
- វ៉ិបសាយថ៍៖ ភាសាអង់គ្លេស
ភាសាបារាំង
ដោយផ្អែកទៅលើកម្មវិធីផ្សាយជាភាសាអង់គ្លេសរបស់វិទ្យុអូស្រ្ដាលី កម្មវិធី "24H dans le Pacifique" មានផ្ដល់ជូននូវការផ្សារភ្ជាប់ទំនាក់ទំនងរវាងសហគមន៍អ្នកនិយាយភាសាអង់គ្លេស និងសហគមន៍និយាយភាសាបារាំង ដែលរស់នៅក្នុងតំបន់ប៉ាស៊ីហ្វិក។កម្មវិធីផ្សាយមានជូនជាសំឡេងតាម Podcasts និងតាមរយៈដៃគូស្ថានីយផ្សាយប៉ុស្ដិ៍ FM មួយចំនួនរបស់យើង។
- វ៉ិបសាយថ៍៖ កម្មវិធីផ្សាយជាភាសាបារាំង
ភាសាឥណ្ឌូណេស៊ី
កម្មវិធីផ្សាយខាងភាសាឥណ្ឌូណេស៊ីប្ដេជ្ញាចិត្ដក្នុងការភ្ជាប់គម្លាតរវាងប្រទេសឥណ្ឌូណេស៊ី និងប្រទេស អូស្រ្ដាលី។ សេវាឥណ្ឌូណេស៊ីរបស់វិទ្យុអូស្រ្ដាលីនេះ មានផ្សាយតាមបណ្ដាញដៃគូផ្សាយតាមប៉ុស្ដិ៍ FM និងតាមប៉ុស្ដិ៍រលកខ្លី (Shortwave) ដោយផ្ដល់នូវមេរៀនភាសាអង់គ្លេសដែលបកប្រែជាភាសាឥណ្ឌូណេស៊ី, ព័ត៌មានពីក្នុង និងក្រៅប្រទេសអូស្រ្ដាលី រួមទាំងអំពីអូស្រ្ដាលីផងដែរ។ មិនតែប៉ុណ្ណោះក៏មានផ្សាយអំពី ព័ត៌មាន និងព្រឹត្ដិការណ៍បច្ចុប្បន្នដោយផ្តោតការយកចិត្ដទុកដាក់លើតំបន់អាស៊ីប៉ាស៊ីហ្វិក។
- វ៉ិបសាយថ៍៖ កម្មវិធីផ្សាយភាសាឥណ្ឌូណេស៊ី
ភាសាប៉ាពួនូវ៉ែលហ្គីណេ
កម្មវិធីផ្សាយជាភាសាប៉ាពួនូវ៉ែលហ្គីណេរបស់វិទ្យុអូស្រ្ដាលី ទាក់ទាញអ្នកស្ដាប់ក្នុងប្រទេសប៉ាពួនូវ៉ែលហ្គីណេ តាមរយៈការផ្ដល់ជូននូវព័ត៌មាន និងព្រឹត្ដិការណ៍បច្ចុប្បន្ន ព្រមទាំងការពិភាក្សាតស៊ូមតិប្លែកៗអំពីប្រធានបទសំខាន់ៗនៅក្នុងតំបន់។
- វ៉ិបសាយថ៍៖ កម្មវិធីផ្សាយជាភាសាប៉ាពួនូវ៉ែលហ្គីណេ
ភាសាវៀតណាម
នៅក្នុងឆ្នាំ២០០៦ កម្មវិធីផ្សាយជាភាសាវៀតណាមនៃវិទ្យុអូស្រ្ដាលី បានចាប់យកជំហានមួយខុសប្លែកពីគេ ដើម្បីផ្លាស់ប្ដូរមុខមាត់ថ្មី ដោយបោះបង់ចោលការផ្ផ្សាយតាមវិទ្យុរលកខ្លី ទៅជាការផ្សាយតាមអ៊ីនធើរណិតពិសេសដែលមានឈ្មោះជាភាសាវៀតណាមថា 'Bayvut' ដែលជាភាសាអង់គ្លេសមានន័យថា "to soar" ប្រែជាភាសាខ្មែរថា ការងើបមុខហើរឡើងខ្ពស់។ វ៉ិបសាយថ៍ 'Bayvut' បានប្ដេជ្ញាចិត្ដនាំមកជូនអ្នកស្ដាប់វៀតណាមរបស់ខ្លួននូវមេរៀនអង់គ្លេសដែលមានការបកប្រែជាភាសាវៀតណាម, ព័ត៌មានពីក្នុង និងក្រៅប្រទេស ព្រមទាំងព័ត៌មានអំពីប្រទេសអូស្រ្ដាលី អាស៊ី និងប៉ាស៊ីហ្វិក ដោយផ្ដោតការយកចិត្ដទុកដាក់លើនាទីបច្ចេកទេស។
- វ៉ិបសាយថ៍៖ កម្មវិធីផ្សាយជាភាសាវៀតណាម
